UVIÉU, 24 de Payares (EUROPA PRESS)
L'axencia de calificación Fitch rebaxó la calificación creiticia de la Comunidá Autónoma d'Asturies pa deuda al llargu plazu n'euros y en divises a 'A+' dende 'AA-', y pa la deuda al breve plazu en divises a 'F1' dende 'F1+'. La perspectiva nel llargu plazu ye negativa, según informó'l Gobiernu autonómicu.
La rebaxa reflexa'l deterioru na evolución presupuestaria n'Asturies a lo llargo de los últimos trés años: 2008, 2009 y 2010 y l'aumentu de la deuda, pero supón que la situación va mostrar una lixera meyora nel mediu plazu.
En xineru del 2011 l'Alministración rexonal presentó al Gobiernu central un Plan Económicu Financieru (PAE) pal 2011-2013, "esti Plan nun lu executó l'anterior Gobieru", señala l'actual Alministración.
Fitch considera qu'hai posibilidaes de que les midíes d'austeridá anunciaes pol Gobiernu d'Asturies n'ochobre permitan que l'aforru corriente d'Asturies meyore lo previsto nel PEF.
La perspectiva negativa reflexa la consideración de Fitch de que l'adopción de más midíes d'austeridá, combinada cola tovía débil recuperación económica, podría limitar el crecimientu de los ingresos fiscales tovía más.
